مسلسل "حياة" - الحلقة 50

الحلقة الخمسون (50) من مسلسل حياة

وديك الليلة تجمعت العائلات بجوج وفرحو بالمجي دي مصطفى، العيالات كايطيبو العشا، والرجال مجموعين فالبيت الكبير؟؟  الصينية والبراد وماكاين غير شححر فاتاي، 

مصطفى جاب واحد الكارطونة عامرة باتاي والقهوة، وجاب المسجلة صانيو والساعة دالبرروگ؟؟، ايوا شللا كراطن ماجي مسكين مثقل،الله يكون فعونو، 

مرة مرة كايقوم يشوف العشا واش طاب، وايني مابيهشاي العشا؟؟ بيه يشوف حياة؟؟ 

ايوا ايما فاين هاد العشا؟؟؟، او هاد اللحم شارف؟؟، هههه

لاواه ابني راه علا لاين، ههه، ايوا لياه ضرك الجوع؟؟، ياك مانعطيك شي حاجة تقرط بها؟ 

لا ايما غير كانضحك معاك، هههه

حياة اشخبارك؟؟، ايوا لياه ماعمرك صيفطتلي حتا برية؟؟؟، كاتصيفط غير لحسن؟؟ 

حياة حشمانة!!!هههه، ايوا خفت ايلا يقبطا خاي حسن، وانا كانحشم منو،؟؟ 

اه، لا من هاد الناحية غير تهنا؟؟، هو مايفتح ديالي وانا ما نفتح ديالو، 

ايوا الله يتاويكوم راكوم بحال الخوت

اييه كاينة ودبا زدنا، راحنا رجعنا نساب، هههه

هههههه، الله يكمل بالخير

جات منانة لعندم،؟؟  ايوا اشخبارك اوليدي؟؟، شخبار حسن؟؟ لياه اوليدي هاد التعطيلة كللا؟؟ 

ا خالتي، راك عارفة الخدمة ديالنا مع المخزن، مابيدناشاي، راه ماكرهناشاي والحال بعيد. 

ابني، كانسمعو قالك كاين الدق تما فالصحرا؟؟ دوك المصيبة دالعديان كايهجمو؟؟؟ 

لا ماكاينشاي ا خالتي منانة هاد الهضرة؟؟، داكشي بعييد علينا بزاف، مصطفى غير كايخببع ماكايبغيشاي يقول، هاديك اسرار الخدمة؟؟ 

ايوا ابني الله يحفظكوم وينجيكوم، سير ابني للبيت راه طاب العشا؟؟، شوف ا حياة خالتك محجوبة تعطيك داك الطاص ويدو؟؟نعطيوهم يشللو يداهم؟ جبدولا ا مصطفى من فوق المسطرة هي ماتلحقوشاي

سي ادريس عندو واحد العشريام دالكونجي، وتوحش البلاد؟؟؟ 

ا بهية؟؟  نمشيو فهاد الايامات للبلاد؟؟، والله ايلا راني موححش البلاد، وهي هاديك نشوف منانة و ولادا، ونكييل زويتة بلدية نجيبوها معانا، انا هادي دي هنا ماكاتهونشاي عليا؟؟ 

ايوا مافيها باس؟؟ ،وخا البنت عندي صغيرة، اما نبيل راه كبيبر، هاد العشية نخرج للسوق نشري شي حاجة ونمشيو غدا ان شاء الله

مصطفى، غير قاضاو من العشا، جبدلو باباه الهضرة، عل العرس

ايوا ابني خرجولك الاوراق دالجواج ياو مازال؟؟

اببا راهم خرجو؟؟، وعطاوني شهر باه نعمل العرس، وداكشي فاه جبرتني ماشي نهضر مع خالتي منانة والعربي،؟؟؟ 

غدا ان شاء الله نمشي لبني سادن نجيب اختي عيشة باه تمشي معانا نفقو ونشريو داكشي دي خاصنا للعرس؟؟ 

ابني الطعام ماتشريهشاي،؟؟  راحنا فتلناه انا منانة، راه يكون نص مد او علا لاين، راه يكفي الدوار ويشيط؟؟ 

كايتكلم العربي، ايوا فوقاه ماشي تمشيو تقييدو؟؟؟، لياه تنفقو قبل ماتقيدو؟؟ 

ا نهاك الله ا العربي، لياه انا لاه جيت،؟؟؟، غدا نعببي لوراق لعند العدول، وايني راه خاصك تهضر مع الناس دالدوار، راه العدول يطلبولا البينة؟؟  بحيت عمي بوعزة مات الله يرحمو؟؟ 

اه داكشي دي طلبو لحفيظة غير بغينا نعملو الكاغيط؟؟؟ 

ايوا الله يخلف عليكم ،والله يمسسيكوم بخير، نمشيو نرقدو وميعادنا لغدا؟؟؟، حفيظة؟؟؟  غططي جلابتك ويا الله، وهز لانبة راه الظلام مد يدك ماتراه؟؟ 

يتبع....