الحلقة السابعة والأربعون (47) من مسلسل حياة
وگازت واحد الليلة فالرحى، شاعلين العافية، والبرارد داتاي عل الجمر، والمعقودات دالبيض البلدي بزيت العود، وتجمعو الدراري صحابو، وكولشي ناشط وفرحان
محجوبة سوولت ابنا حميد
ايوا فوقاه ا حميد قالك حسن يرجع من الرباط؟؟
قالي غير شي ثلث ايام ويرجع، قالك عندو شي اوراق، يخدمم تما
ايوا هي قولي باغي يجيب خالو؟؟ محجوبة فهمت المعنى؟؟؟، وداكشي دي كان، حسن مشا يشور مع خالو فالزواج دي حياة؟؟
ايوا اش كايبان لك ا احبيبي؟؟ حياة راه بغاها مصطفى صاحبي، راك كاتعرفو خدام معايا و ولد الدوار، وباه ويماه الله يعمرا دار
اش ماشي نقولك ا حسن،؟؟ كون بقات عندي راني مانعطيها غير ايلا عرفت فاين نعطيها ولمن نعطيها؟؟، وايني دبا راها فالبلاد، مانقدرشاي نقولك شي حاجة، الولد كاتعرفوه انتوما، وهادشي كايبقا القرار ديالا، وديالكوم، اما يانا ما نزيدا غير التسخير
والله احبيبي، ايلا من نهار دي مات اببا الله يرحمو وانا عاملك فموطعو، ومانعملشاي شي حاجة بلا خبارك وشوارك،؟؟
الله يرضي عليك ا ابني، راني عارف دي كاين، وحتا انتوم راكوم بحال اولادي
كاتكلم بهية، وقالتلم، وعلاش ا حسن باغيين تزووجوها خليوها تكمل قرايتا؟؟؟
ا مراة احبيبي دبا ايلا نجحت ماشي تمشي
لفاس، تما تكمل القراية والعمر كايگوز وكاتكبر، وانا ماسيفتشاي عليها، خليتلا الامور فيدا، وهي قالتلي دي عملتو يانا موافقة عليه.
ايوا هي كاينة؟؟ العمر كايگوز وراها كاتكبر، ايوا انتوما تعرفو، وماتزييروش عليها وتزوجوها بالسيف، خليوها علا خاطرا
وملي ارجع حسن، عاد اهضر مع حياة الراس فالراس، قولي اختي شنو بالك فهاد الزواج راني مازال ما عملت معاهم والو، ايلا قلتلي لا، راني نردم ،راه انتي عندي قبل صاحبي،
اخاي القراية مانكدبش عليك ماباغياش نمشي لفاس، وزايدون هاد العام راه فالشك، النتيجة باينة من دبا، راك عارف الباك؟ ودي اعملتو اخاي راني قابلتو راه فيك كولشي
صافي نقولم يجيو يا العفريتة، ايوا راها محجوبة ماتخليكش تكمل هاد العام، ههههه
لا داكشي خليه عليا اخاي، انا دبا نهضر معاها
وهاد المرة جات محجوبة وراجلا عمي المختار وحميد وبنتا دي مزوجة فبني سادن الياقوت، وجابو الخطبة كاملة مكمولة ،وهضرو عل الصداق، وتفاهمو، عمي المختار ماجبرشاي مشكل مع حسن، وكولشي كاز بخير وعلا خير، ومحجوبة متفاهمة مع منانة، هوما بنات دوار واحد، والاولاد كبرو شي مع شي، ايوا داكشي دي كانو باغيين جبروه
حسن كايسول علا هاديك ديك كالسة مع حياة، البنت كبرت وزيانت ومابقاتش كاتعقل ومدة هادي ماشافا، غير خرجت من القراية، كالسة فالدار عل الشغل والعقد
ايما؟؟؟؟ شكون هاديك البنت دي مع حياة؟؟؟
ايحا عليك ا حسن؟؟؟ لياه ماعرفتاش؟؟؟ هاديك بنت القرطاشية،؟؟ هاديك دي كانت كاتكتبلي البرا غير ماكايكونش رشيد؟؟
يتبع...
#مسلسل_حياة_اليازغية
لمن فاتته الحلقات السابقة، تجدونها على الرابط التالي:
https://goo.gl/24fFS1