الحلقة الواحدة و الأربعون (41) من مسلسل حياة
وبقات حياة علا داك الحال عامين د القراية فالليسي حتا وصلت للباك، ديما نفس الطريق علا رجلاها والغذا تعبيه معاها فشكارتا، وكاتوانس مع البنات والدراري دالدوار، والعربي ماعجبوش الحال غير اسمع بلي عمر من الدوار كايجي معاها فالطريق والهضرة فالدراز غير عليهم.
- يما!!! واااا يما!!!!!
- حفيظة فايرراها يما؟؟؟
- راها فالكانون، ياك لاباس، مالك داخل شاعل؟؟
- ديك شكرودة ماشي تعملنا شي فضيحة فالدوار!!، ارجعت هي باش كايتجمعو فالدراز؟؟
- ايوا راك راجل فالدار؟؟؟، لياه ما عندك كلمة؟؟
- خررجوها وتهناو من كلام الناس؟؟،
- اش داكشي ا العربي، ماجي بعجاجتك؟؟؟
- مازالة ماجات دي المفضوحة؟؟؟
- مالك كاتهضر علا اختك هاكدا،؟؟ لياه اش عملتلك؟؟، ياك موقراك وموقرة مراتك؟؟؟
- باش موقراني؟؟!، وهي ارجعت حديث الدوار!!، كايهضرو غير بها؟؟، كاتقييل ماشية ماجية مع عمر ولد حمو؟؟؟
- شوف ا العربي!!، بنتي راني عارفتا، وعمر كايقرا معاها ،و ولد الدوار، وراهم بحال الخوت، والطريق بعيدة وماكايجيو حتا لليل، شكون دي يونسا فهاد الوقت وهي بنت؟؟، راك راجل تبقا تلاقاها للطريق، كيف كان باباها الله يرحمو؟؟
- تگوز تگلس؟؟ اش ماشي تعملي بهاد القراية؟
- ايوا خلاه ا مراة خالي، البنت راه الدار هي بلاصتا، هي ماكاتدخل حتا لليل؟؟ ايوا بالسيف مايهضرو الناس؟؟؟
- ياك ا حفيظة!!! انتين دي كاتشعل هاد العوافي؟؟، عوط ما تهدنو، گالسة كاتشعل فيه.
رشيد جبرو الحال كاين فالبلاد، جا من الجامعة، غير ادخل وهو يجبرم كايهضرو علا حياة.
- ايوا اسمعت ابني ؟؟،العربي ومراتو اش كايقولو علا اختك؟؟؟
- اسمع ا العربي، حياة راحنا كانعرفوها، وعمر والا حتا الدراري لوخرين راهم صحابي وكولينا ولاد البلاد، حتا حنا قراو معانا خواتاتم ومشينا معاهم فالطريق، داكشي علاش مجموعين فداك الدراز؟؟، غير الكارطة والهضرة فالناس؟؟؟
- حييد بالاك عليا ا رشيد!!! قتلتونا بهاد الفهامة الخاوية؟؟، هاد القراية دي وصلتكوم لهاد الفضايح،!!!
ها حياة وصلت، ومافراسا والو..
- اجي انتين اديك المفضوحة !!! دبا اعجبك الحال!!! دي گالسين كايهضرو فيك الناس!!
- بععد علا اختك وسير لبيتك ؟؟وعبي معاك مراتك؟
- ايما اش واقع؟؟؟
- والله ايما هاد الهضرة ماكاين منا شي حاجة!!
- اخاي رشيد، راك كاتعرف عمر والدراري كاملين، راحنا بحال الخوت، وانتين راك قريت، وعارف هادشي،؟؟، ماشي تييقو؟؟؟؟
- صافي ا حياة، راني اهضرت معاه،سير لبيتك؟؟
اما حسن ومصطفى راهم فالصحرا مگابلين السربيس ويعاينو برمسيون، وهاد المرة مصطفى دي وقف عليه التسريح وجا للبلاد؟؟
- اشكون؟؟؟ اشوف ا حياة شكون دي كايدق؟؟
- اهلا خاي مصطفى!! اشخبارك اخاي لاباس عليك؟؟، واشخبار حسن؟؟
- اشكون ا حياة؟؟؟
- اه انسيت راسي يا مصطفى، ههه، ادخل اخيي، انتين راك بحال حسن
- هذا مصطفى ايما ولد خالتي محجوبة؟؟؟
- ايوا قلو يدخل؟؟ ليه براني راه بحال حسن؟؟؟
يتبع...
 من مسلسل حياة وبقات حياة علا داك الحال عامين د القراية فالليسي حتا وصلت للباك، ديما نفس الطريق علا رج…){kind=link}