الحلقة الثلاثون (30) من مسلسل حياة
وصلت العطلة دالربيع، وجات حياة للبلاد هي وخالا ومراة خالا، و گووزو العطلة والخضورية والدنيا زاهرة بالربيع والنوار، وخا بهية فالشهر الثامن ديالا جات وعجبا الحال، ومنانة رحبت بهم والفرحة دخلت للدار ديالا، وداك النهار شعلو البوطة؟؟، ماشي لانبا!!! وعاد ماشي تعرف بلي بهية حاملة، وهنا حست بلي بنتا حياة ماشي ترجع لعندا!!!
- ايوا مبروك عليك اللا بهية!!، ايوا ها هو ربي سهل عليك، الله يرزقك الدرية الصالحة، ايوا حياة دخلت عليك بالربح وقداما قدام الخير، هههه
- الله يبارك فيك ا ختي منانة، حتا يانا راني عاملتا بحال بنتي، ماكايخصا حتا خير، ها هي تقولك؟
- ايما!! ايوا دبا احبيبي ها هو جا؟؟ ايوا قلو علا الخطبة دي حفيظة؟؟، داك النهار كان هنا ومامشيناش!
- ا العربي؟؟ وياك قالك خاك حتا للصيف! او خايف ايلا يعببيوهالك؟؟؟، راها تما تبقا كاتعاين فيك، غير تهنا؟؟
حياة بدات كاتعاود ليماها عل المدينة، وعلا مراة خالا وعائلتا..
- ابنتي رد بالك بزاف المدينة راها صعيبة وماليها صعاب، ويلا شفت العيناين احمارو، اجي لدار بباك؟؟
حياة جات للبلاد وحدة اوخرا! كبرت وزيانت، كيف كاتعرفو الزين البلدي غير كاتدخلو المدينة كايرجع واحد اخور، هههه، وتبهطو فيها ولاد الدوار، وايني هي حدودية، مامشات لحد، من غير صاحبتا سعيدة، وبدات كاتعاودلا عل المدينة.
حسن ومصطفى مازالين فمراكش فالسطاج، قريب يكمل العام الاول، اما رشيد، ارجع لقرايتو واعمل عقلو وانقذ العام دي كان ماشي يضيع منو، وكانت النتيجة مزيانة، نجح للسيزيام، وحياة حتا هي نجحت ومشات للكوليج وخا بعيد عل الدار شوية وايني ماشي بزاف، وبهية كملتلا الفرحة وتزادلا ولييد وعزيييز علا حياة بزاف، هي دي مگابلتو..
اما العربي، بالكشيفة باه مشات منانة خطبتلو بنت عمتو حفيظة، واعملو الصيف لاخور يكون حسن كمل السطاج ويعملو العرس.
بهية بدات كاتقصاح مع حياة، بدات كاتهتم بولدا نبيل بزااف، وحياة رجعت عندا زايدة ناقصة، وهدشي حست به حياة، وايني هي مركزة غير علا قرايتا..
حسن ومصطفى مازالين فمراكش فالسطاج، قريب يكمل العام الاول، اما رشيد، ارجع لقرايتو واعمل عقلو وانقذ العام دي كان ماشي يضيع منو، وكانت النتيجة مزيانة، نجح للسيزيام، وحياة حتا هي نجحت ومشات للكوليج وخا بعيد عل الدار شوية وايني ماشي بزاف، وبهية كملتلا الفرحة وتزادلا ولييد وعزيييز علا حياة بزاف، هي دي مگابلتو..
اما العربي، بالكشيفة باه مشات منانة خطبتلو بنت عمتو حفيظة، واعملو الصيف لاخور يكون حسن كمل السطاج ويعملو العرس.
بهية بدات كاتقصاح مع حياة، بدات كاتهتم بولدا نبيل بزااف، وحياة رجعت عندا زايدة ناقصة، وهدشي حست به حياة، وايني هي مركزة غير علا قرايتا..
- ا حياة؟؟؟ اجي نقولك!!
- نعام ا ماما بهية!!
- عرفتي خالتك نعيمة مراة الكماندار؟؟؟، الخدامة ديالا مشات لحبابا؟؟ وقالتلي قوللا لحياة تجي لعندي نهار الاحد تعاوني فالتخمال، ماشي يجيو لعندا الضياف؟؟
يتبع...
 من مسلسل حياة وصلت العطلة دالربيع، وجات حياة للبلاد هي وخالا ومراة خالا، و گووزو العطلة والخضورية والدنيا زاهر…){kind=link}