مسلسل "حياة" - الحلقة 19

حياة مسكينة نتلفتلا الدار، وتغالطولا البيبان بحال بحال، وبقات مجليةوكاتبكي، وماعرفت ماتعمل؟؟؟

غير راح حسن من الخدمة اجبر خالو،

- اعسلامة دي احبيبي، اشخبارك، وشخبار مراة احبيبي وحياة؟؟؟؟
- كولشي بخير ا حسن، راهم كايسلمو عليك بزاااف،
- ايوا وجد راسك ،اخدم الاوراق دالمگاجية، راه كاين الدخول، قالي الكماندار قللو يجيب وراقو ويجي،
- الله يكثر خيركم احبيبي،
- اه، قبل مانسا!!!، واش نجبرشي دي يعطيني الانتقال دي حياة، دبا كولشي عطلة؟؟؟؟
- لا احبيبي هاد الساعة ماتجبر حد، حتا يوصل الدخول د المدرسة عاد يجيو... 

بهية خرجت من الكوزينة، كاتجبر اختا بشرى كالسة فالصالون؟؟؟ 

- بشرى فايرراه الحليب دي علاش وصيتك؟؟؟؟؟؟
- راني سخرت ديك البنيتة دي جات معاك
- ايحا علا هادي!!!!، وشكون دي قالالاك؟؟؟؟، واش باغية تخرج عليا؟؟؟، خالا من دي مشا و هو كايوصي فيا!!! شحال هادا من دي مشات!!!، يا الله قوم اخرج شوفا فاين، تعطلت وانتين مگابلالي ظفارك وشعرك، الله يعطيك القروعة!!!

خرجت بشرى كاتهرب، كاتشوف خاها هشام واقف مع صحابو فراس الدرب، شافا خارجة مزروبة وهو يتلاقاها،

- مالك ا بشرى يا لاباس؟؟؟؟
- هشام مابانتلكش واحد البنيتة جابتا اختي بهية معاها راني سخرتا تجيب الحليب وتعطلت؟
- شفتا واقفة هناك فديك القنيتة كاتبكي، وسولناها وكاتعرف غير مراة حبيبي بهية واحبيبي ادريس؟؟؟،
- صافي هي هاديك، ماشفتاش فاين مشات؟؟؟
- والدراري ديك البنيتة لي كانت هنا؟؟؟
- راها مشات مع واحد المراة كبيرة!!!!
- صافي اخطفتا ديك المراة، تبعها ا خويا، انا نرجع نقولا لبهية!!!!!
- قولي ابنتي، منين اشريت الحليب؟؟؟، كاتعرف الحانوت منين شريتو ياك؟؟
- اه، عاقلة عليه، كاين هنااااك
- يا الله ابنتي وريهلي، باش نوصلك لداركوم
- هو هذا ا خالتي الحانوت!!
- مسا الخير ا مبارك، قولي هاد البنيتة كاتعرفا؟
- گازت قبايلة مع للا بهية
- شكون بهية؟؟؟
- بنت الحاج عسو اليازغي الله يرحمو
- اه، قولي بنت الحاجة زهرة
- ايييه، هي هاديك، مالها ياك لاباس؟؟؟
- لا مسكينة برانية ونتلفتلا الدار، وجبرتا كاتبكي، صافي دبا نوصلا لعند الحاجة زهرة، صافي ابنتي غير ماتبكيش. 

كاتخرج بهية وبشرى كايداديو، هوما مشاو من زنقة، والمراة جابت حياة من الزنقة لوخرا، وصلت بهية لمول الحانوت، سولتو علا حياة، قاللا راها مشات مع للا فطومة دي كاتسكن من وراكم ،راها جبرتا مجلية،
بهية عاد نزلو عليها شطايطا، وارجعت للدار كاتجبر حياة.

حياة مسيكينة غير شافتا خافت ايلا تطربا وبدات كاتبكي، وايني بهية درعتا وبدات كاتبوس فيها بحال بنتا، ودارت فيهم كاملين، 

- حتا واحد فيكوم ماباقي يسخرا لشي بلاصة؟؟؟،
- ا مراة احبيبي، واش هادا خاك؟؟؟
- اه، هو هادا هشام خاي، مالو؟؟
- كان هو وصحابو كايطحكو عليا
- وياك ا القبيح

يتبع