وصلو حسن ورشيد فالظلام للدار، كايخرجو مع الستة، ماكاين لا مركوب لا والو، كايجيو علا رجلاهم.
- السلام عليكم
- وعليكم السلام، ايوا شهاد التعطيلة يا ابني؟؟
حببو ليماهم راسا وسلمو عليها.
- ايوا راك عارفة ايما الطريق الطويلة والستة كاتجي فالظلام
- الله يرضي عليكم ابني وينجحكوم، عاين ابني نقوم نسخن لكم ماتاكلو؟
- غير اكلس ايما، دبا نسخنو لراسي،
- ياوليدي يا حسن، هادشي باه كاتعجبني كولشي كاتعملو لراسك، فالصبح تطيب الفطور، وفالعشية تسخن ماكلتكم،
- فايرراه اببا؟
- راه اخرج ابني يصلي العشا ويدخل، يا الله سقصاني عليكم، قلتلو من دي خرجو عل الصبح
- حياة، اجي اختي لعندي، قولي مشيت هاد النهار، للمدرسة؟
- اه، وعطانا المعلم الورقة، باه نشريو الكتوبا، ها هي،
- مزيان ا اختي العزيزة، وايني راه خاصك تقرا مزيان، ودي ماعرفتاش قولالي نورريهالك، باش تكون مجتهدة.
ها بوعزة داخل؟؟
- السلام عليكم.
قامو حسن ورشيد حببولو يدو،
- الله يرضي عليكم، الله ينجحكم، ايوا حسن، اش عملت فالكتوبا ديالكم انتينا وخاك؟؟
- اببا راني كريت شي حاجة وباقين شي وحدين ماكاينينش،
- ايوا مافيها باس، حتا للسوق ونعببي واحد النعجة نبيعا ونعطيك تشري دي بقالكوم وخللي عندك ديك الورقة دي اختك، حتا هي شريلا دي خاصصا
- اببا شوف الجاري يخدملك شهادة الضعف، باه ندفع الوراق دي رشيد كما يقييدوه فالخيرية، هو مازال صغير، الطريق بزاف عليه
- وخا ابني، الله يرضي عليك، لوكان ابني اخدمت حتا لعندك انتين
- اببا، مايقبلوناش بجوج، ماكايقييدوش جوج دالخوت، مصاب غير يقبلوه هو، انا هادي عامين كانمشي علا رجلاي، راني اسانست بالطريق
ها العربي ماشي يتدخل؟؟
اببا عنناك تبيع ديك النعجة ديالي؟؟؟، راها ياالله رددت !!!
- عند باباك الدلال، ابد الشكرودة دالكلب؟؟؟ هامتك غير النعجة، وماهامينكش خوتك دي كايقراو؟؟؟؟
- اخلاه دبا يساليو ويخرجو يشمشو
- اللقوى لداك الفا؟؟ قوم حييد من قدامي ماشي نشيير علا باباك بهاد البلغة!!!
