قصيدة من تأليف الشيخ الصغير المصطفى مرغيش

"قصيدة من تأليف الشيخ الصغير المصطفى مرغيش "

أنا المصطفى د تهامي
جيت نقول القصيدة ديالي
مكان ضرب الحد معاني
غير طالت بيا الغيوب

الناس كلها يجر الجهتو
كيقولوا هادك صاحبي ولايني الله يخلي خيمتو
مانا فخير من نهار عرفتو
مابقا لا حبيب ولا محبوب

أش نعمل يا العالي و أنت داري بحالي
خفت نحرك غربالي و يطيح ديكان عندي غالي
خلها سيد المجدوب

سعدات لقلبو صافي
مكتعدا و حتي حد مكايحافي
راه رزقو عند ربي وافي
و الناس فيها حجر و طوب

من غير الله ما تخاف ما تعبد
راه نهانا على الحسد
قالنا يا عبدي عنداك تفسد
وعلى دوك الفعايل بعاد
لا تكون خانز بحال النوار د الخروب

دي كيضر راه كيضر راسو
كيف يدير ملي يطول ف نعاسو
و حفروا ليه ببالتو و فاسو
ويبقى ذكرى لقبيلتو و لمن كان منسوب

نحمد ربي عند الناس أنا معروف
ما كانزيغ وما كانقتل بالخوف
 ماشي بحال داك الذيب دي كايطحك مع الخروف
 و سول تلقاني ساكن حدا ولد الهبوب

ونختمو هاد الكليمة بتزغريتا من حليق واكل زويتا وشي طبيسل د زميتا و الله يفرج عليكم وعلينا الكروب